Монголын Мэргэшсэн Нягтлан Бодогчдын Институт болон Мэжик консалтинг аудит ХХК хамтран жил бүр зохион байгуулагддаг AUDIT CUP спортын их наадмыг “We are one family” уриан дор 2018 оны 10 сарын 26, 27-ны өдрүүдэд Хавай спорт төвд амжилттай зохион байгуулж өндөрлөлөө. Тэмцээнд 27 байгууллагын 15 баг 300 гаруй тамирчид оролцлоо.

Энэхүү тэмцээн нь Монголын Мэргэшсэн Нягтлан Бодогчдын Институтийн гишүүн байгууллага болох аудитын компанийн ажилтнуудыг хооронд нь танилцуулах, спортын шилдгүүдийг тодруулах, чөлөөт цагийг зөв өнгөрүүлэх чухал ач холбогдолтой бөгөөд энэ удаагийн тэмцээнд ҮНДЭСНИЙ АУДИТЫН ГАЗАР-ын баг тамирчид урилгаар оролцож байгаагаараа онцлогтой.

Audit cup-2018 ажлын хүрээнд хэд хэдэн шинэлэг зүйлийг хийсэн бөгөөд Үүнд:

  1. Тэмцээний уриа үг, лого бүтээсэн
  2. Audit-Cup Mongolia фэйсбүүк пэйж хуудас
  3. auditcup.mn вэб сайтыг ажиллуулан тэмцээнд оролцогч баг тамирчдын мэдээллийг анх удаа онлайнаар хүлээн авлаа.

Тэмцээн дартс, гар бөмбөг, сагсан бөмбөг, шатар, ширээний теннис гэсэн таван төрлүүдээр явагдаж аваргуудаа тодруулсан ба нийлбэр оноогоор:

  1. Тэргүүн байрыг 69,5 оноогоор Улаанбаатар Аудит Корпораци ХХК, ЦЭСБ аудит ХХК, Өндөрхаан Итгэл Аудит ХХК-уудын хамтарсан УБАК баг эзэлж, шилжин явах цомыг 7 дахь удаагаа авлаа.
  2. Дэд байранд 62 оноогоор Мэжик Консалтинг Аудит ХХК-ийн МAGIC баг,
  3. Гутгаар байранд 59 оноогоор ҮНДЭСНИЙ АУДИТЫН ГАЗАР-ын багууд тус тус орлоо.

Тэмцээний дүнг танилцуулбал:

Д/Д Тэмцээний төрөл Байр Байгууллага Тамирчны нэр
1 Ширээний теннис /Эрэгтэй/ Тэргүүн байр: Төрийн аудит Самбууням
Дэд байр: УБАК Мөнхчимэд
Гутгаар байр: Хүлгүүд Баасанцог
Ширээний теннис /Эмэгтэй/ Тэргүүн байр: MAGIC Урангоо
Дэд байр: Хүлгүүд Оюундэлгэр
Гутгаар байр: УБАК Энхтунгалаг
2 Шатар /Эрэгтэй/ Тэргүүн байр: УБАК Сүхболд
Дэд байр: EY Лувсанравжаа
Гутгаар байр: Төрийн аудит Төмөрхүү
Шатар /Эмэгтэй/ Тэргүүн байр: УБАК Батцэнгэл
Дэд байр: PWC Цэлмэг
Гутгаар байр: BDO Байгальмаа
3  Сагсан бөмбөг /Эрэгтэй/ Тэргүүн байр: BDO Баг тамирчид
Дэд байр: MAGIC Баг тамирчид
Гутгаар байр: Хүлгүүд Баг тамирчид
Сагсан бөмбөг /Эмэгтэй/ Тэргүүн байр: MAGIC Баг тамирчид
Дэд байр: KPMG Баг тамирчид
Гутгаар байр: Төрийн аудит Баг тамирчид
4 Волейбол /Холимог/ Тэргүүн байр: УБАК Баг тамирчид
Дэд байр: Их Сүлд Хаан Баг тамирчид
Гутгаар байр: Төрийн аудит Баг тамирчид
5 Дартс /Холимог/ Тэргүүн байр: BDO Баг тамирчид
Дэд байр: Нийслэлийн одууд Баг тамирчид
Гутгаар байр: MONICPA Баг тамирчид
6 Шилдэг тоглогч /Сагсан бөмбөг/ Эрэгтэй BDO Төмөрхуяг
Эмэгтэй MAGIC Ганчимэг
7 Тэгш тоглогч /Гар бөмбөг/ Холимог УБАК Цэнгэл

Тэмцээний дараагаар Монголын Мэргэшсэн Нягтлан Бодогчдын Институт нь AUDIT CUP спортын их наадмыг 2019 болон 2020 онд хамтран зохион байгуулах багуудыг зарласан бөгөөд 2019 онд Эйч Эл Би Монголиа Аудит ХХК, 2020 онд Улаанбаатар Аудит Корпораци ХХК тус тус ММНБИ-тэй хамтран зохион байгуулахаар боллоо.

Тэмцээнд амжилттай оролцож медаль авсан болон оролцсон бүх баг тамирчиддаа цаашдын ажил хөдөлмөрт өндрөөс өндөр амжилтыг хүсэн ерөөе.

Ерөнхий зохион байгуулагч: Монголын Мэргэшсэн Нягтлан Бодогчдын Институт

Хамтран зохион байгуулагч: Мэжик консалтинг аудит ХХК

2018 он